Ábyrg upplýsingagjöf
Öryggi kerfa okkar er okkur algjört forgangsverkefni. Þrátt fyrir mikla vinnu við að tryggja kerfisöryggi geta þó alltaf leynst veikleikar. Ef þú uppgötvar slíkan veikleika viljum við gjarnan fá upplýsingar um hann, svo við getum gripið til viðeigandi aðgerða eins fljótt og auðið er. Við biðjum þig vinsamlegast um að hjálpa okkur að vernda viðskiptavini okkar og kerfi enn betur.
Vinsamlegast hafðu eftirfarandi í huga:
- Sendu niðurstöður þínar með tölvupósti á [email protected] eða hafðu samband við okkur í síma +354 546 6000.
Dulkóðaðu upplýsingarnar með PGP-lykli til að koma í veg fyrir að viðkvæmar upplýsingar lendi í röngum höndum.
- Nýttu þér ekki veikleika eða vandamál sem þú uppgötvar, til dæmis með því að nálgast fleiri gögn en nauðsynlegt er til að sýna fram á veikleikann, eða með því að eyða eða breyta gögnum annarra.
- Greindu ekki frá vandamálinu opinberlega eða sýndu það öðrum fyrr en það hefur verið leyst.
- Notaðu ekki aðferðir sem fela í sér árásir á líkamlegt öryggi, félagslega verkfræði, dreifðar þjónustuneitanir (DDoS), ruslpóst eða forrit þriðja aðila.
- Veittu nægar upplýsingar til að hægt sé að endurtaka vandamálið, svo við getum leyst það eins fljótt og auðið er. Yfirleitt nægir IP-tala eða vefslóð viðkomandi kerfis ásamt lýsingu á veikleikanum, en flóknari veikleikar kunna að krefjast ítarlegri útskýringa.
Það sem við lofum:
- Við munum svara tilkynningu þinni innan þriggja virkra daga með mati okkar á henni og áætluðum lausnardegi.
- Að því gefnu að þú hafir fylgt framangreindum leiðbeiningum munum við ekki grípa til lagalegra aðgerða gegn þér vegna tilkynningarinnar.
- Við munum meðhöndla tilkynningu þína af fyllsta trúnaði og ekki miðla persónuupplýsingum þínum til þriðja aðila án samþykkis þíns.
- Við munum halda þér upplýstum um framvindu lausnarinnar.
- Í opinberri umfjöllun um tilkynnt vandamál munum við geta nafns þíns sem uppgötvandamanns, nema þú óskir annars.
Við leggjum okkur fram um að leysa öll vandamál eins fljótt og auðið er og stefnum að virku samstarfi um birtingu upplýsinga um vandamálið eftir að lausn hefur verið innleidd.
